سياسة الخصوصية
تطبيق «عقيل: اعقلها بذكاء» · آخر تحديث: ١٦ أكتوبر ٢٠٢٦ (النسخة ٢)
عقيل تطبيق لترتيب المهام والاجتماعات بالصوت. هذي الصفحة تشرح وش نجمع، وليش، ووين يروح، وكيف تحذفه.
وش نجمع
- الحساب: المعرّف اللي يرسله «تسجيل الدخول بـ Apple» أو «Google»، أو بريدك الإلكتروني إذا دخلت برمز البريد، واسمك.
- المحتوى اللي تضيفه: المهام والاجتماعات والمتابعات، والقوائم المشتركة وأعضاؤها، ووقت العمل على المهام.
- الإعدادات: مدينتك أو موقعك التقريبي (اختياري، لحساب أوقات الصلاة) والمنطقة الزمنية.
- الإشعارات: رمز الإشعارات الخاص بجهازك عشان نوصل لك التذكيرات والملخص الصباحي.
- عدّاد الاستخدام: عدد مرات استخدام مزايا الذكاء الاصطناعي في الشهر، لحدود الباقات.
- إحصائيات الاستخدام: أي الشاشات والمزايا تُستخدم (مثل: فتح شاشة القوائم، ترتيب مهام بالصوت)، مع معلومات عامة عن الجهاز والدولة. ما تشمل نص مهامك ولا اسمك ولا بريدك.
الصوت
تحويل الكلام لنص يصير بخدمة التعرف على الكلام في جوالك (من Apple أو Google)، وعقيل ما يرسل التسجيل الصوتي لخوادمه. اللي يوصلنا هو النص فقط.
الذكاء الاصطناعي
لما تضغط «رتّبها» أو «جهّزها»، نرسل النص اللي كتبته أو قلته مع أسماء قوائمك إلى خدمة Claude من شركة Anthropic عشان ترتّبه أو تكتب المسودة، ونرجع لك النتيجة. ما نستخدم بياناتك لتدريب أي نموذج.
الإحصائيات
نستخدم «Google Analytics for Firebase» عشان نعرف أي المزايا مفيدة ونحسّن التطبيق. يجمع أحداث استخدام مجهولة ومعرّف تطبيق عشوائي، ولا يستخدم معرّف الإعلانات، وما نربطه بحسابك أو محتواك. ما نستخدمه للإعلانات.
الموقع
إذا ضغطت «استخدم موقعي» في الإعدادات، نطلب إذن الموقع ونحفظ موقع تقريبي (مقرّب لحدود كيلومتر) عشان نحسب أوقات الصلاة في مكانك. ما نتتبعك، وتقدر تختار مدينة بدلاً منه.
«ذكّرني لما أوصل»: إذا اخترت مكان لمهمة (البيت، الشغل، أو مكانك الحالي)، ينحفظ موقع هذا المكان مع المهمة عشان يوصلك التذكير. الجوال يقارن موقعك بمكان المهمة وأنت تستخدم عقيل، وموقعك اللحظي ما يُرسل لنا ولا ينحفظ. البيت والشغل ينحفظون في جوالك بس، وتقدر تمسحهم من الإعدادات.
التقويم
إذا سمحت للتطبيق بالتقويم، نضيف اجتماعاتك في تقويم اسمه «عقيل» على جوالك نفسه. ما نقرأ تقويماتك الثانية.
تقارير الأعطال
إذا صار خطأ في التطبيق، يوصلنا تقرير فيه وصف الخطأ ومكانه في الكود، ونسخة التطبيق ونوع الجهاز. ما يشمل نص مهامك.
الرسائل والإيميل
نرسل لك رمز الدخول على بريدك، وإذا فعّلت «ملخص الصباح بالإيميل» نرسل لك ملخص يومك. وتقدر توقفه من الإعدادات في أي وقت. ما نرسل إعلانات، وما نشارك بريدك مع أحد.
وين تنحفظ البيانات
- على خادمنا الخاص (aqail.clevbit.com) باتصال مشفّر.
- ما نبيع بياناتك، وما فيه إعلانات، وما نشاركها مع أحد إلا الخدمات المذكورة فوق لتشغيل المزايا: Anthropic للذكاء الاصطناعي، وGoogle Analytics for Firebase للإحصائيات، وخدمة إشعارات Expo وApple وGoogle لإيصال الإشعارات.
- المهام في القوائم المشتركة يشوفها أعضاء نفس القائمة فقط.
حذف بياناتك
من داخل التطبيق: الإعدادات ← حذف الحساب. ينحذف حسابك ومهامك والقوائم اللي تملكها نهائياً من خادمنا فوراً.
الأطفال
عقيل غير موجّه لمن هم أقل من ١٣ سنة.
التواصل
لأي سؤال أو طلب بخصوص بياناتك: abotmim.dev@gmail.com
التغييرات
إذا غيّرنا هذي السياسة نحدّث التاريخ فوق، ونبلغك داخل التطبيق إذا كان التغيير جوهري.
Privacy Policy — Aqail (English summary). We store your sign-in identifier (Apple, Google, or your email if you sign in with an emailed code), your name, the tasks, meetings and shared lists you create, your city or (optionally) your approximate location for prayer times, the place you attach to a task for "remind me when I arrive" (your live position is compared on your device and never sent to us), your time zone, your device push token, monthly feature usage counts, and anonymous usage analytics (which screens and features are used, general device and country info) via Google Analytics for Firebase, without the advertising ID and without your task content, name or email. Speech is transcribed on your device by Apple or Google; audio is not sent to our servers. When you use "organize" or "draft", the text is sent to Anthropic's Claude API to process it. Meetings are added to an "Aqail" calendar on your device only. If the app hits an error, we receive a crash report (error message, code location, app version and device type), without your task content. We email your sign-in code and, if you turn it on, a morning summary; no marketing emails. Data is stored on our server over encrypted connections, never sold, and not used for ads. Delete your account and all data anytime from Settings → Delete account. Not directed at children under 13. Contact: abotmim.dev@gmail.com